უნგრეთისა და გერმანიის საგარეო საქმეთა მინისტრების შეხვედრა ტექნიკური მიზეზის გამო გადაიდო, - ამის შესახებ განცხადებას უნგრეთის საგარეო საქმეთა სამინისტრო ავრცელებს.

„მინისტრის კალენდარში გაუთვალისწინებელი ცვლილებების გამო, საგარეო საქმეთა სამინისტრომ მოითხოვა ვიზიტი მოგვიანებით, იმედია უახლოეს მომავალში, განხორციელდეს. მიზეზი წმინდა ტექნიკურია და არა პოლიტიკური“, - ნათქვამია სამინისტროს განცხადებაში.

ორი ქვეყნის საგარეო საქმეთა მინისტრებს შორის შეხვედრა ორშაბათს, ბუდაპეშტში უნდა გამართულიყო.

მანამდე, გერმანიის საგარეო საქმეთა სამინისტროს წარმომადგენელმა განაცხადა, რომ ბუდაპეშტმა საგარეო საქმეთა მინისტრების შეხვედრა ყოველგვარი წინასწარი გაფრთხილების გარეშე გააუქმა.