ნიდერლანდების ხელისუფლებაში მყოფი ულტრამემარჯვენე პარტია ევროპარლამენტში ვიქტორ ორბანის ალიანსს შეუერთდება

ნიდერლანდების ხელისუფლებაში მყოფი ულტრამემარჯვენე პარტია ევროპარლამენტში ვიქტორ ორბანის ალიანსს შეუერთდება, - ამის შესახებ ინფორმაციას „თავისუფლების პარტიის“ (PVV) ლიდერი, ხეერტ ვილდერსი ავრცელებს.

ვილდერსის განცხადებით, მის პარტიას ევროპარლამენტში ძალების გაერთიანება სურს, ამიტომ პოლიტიკურ ჯგუფს „პატრიოტები ევროპისთვის“ შეუერთდება.

„ჩვენ „თავისუფლების პარტიის“ პატრიოტები ვართ, ჩვენი ქვეყანა გვიყვარს, ძლიერი და სუვერენული. ჩვენ არალეგალურ იმიგრაციას ვეწინააღმდეგებით. მშვიდობასა და თავისუფლებას ვიცავთ. ჩვენ უკრაინას მხარს ვუჭერთ. ჩვენს იუდეო-ქრისტიანულ მემკვიდრეობასა და ჩვენს ოჯახებს ვიცავთ“, - განაცხადა ხეერტ ვილდერსმა.

ნიდერლანდებში, გასული წლის ნოემბერში გამართულ საპარლამენტო არჩევნებში ხეერტ ვილდერსის „თავისუფლების პარტიამ“ (PVV) გაიმარჯვა და მემარჯვენე კოალიციურ მთავრობაში, რომელსაც დიკ სხოოფი ხელმძღვანელობს, ყველაზე დიდი პარტიაა.

შეგახსენებთ, გასულ კვირას, უნგრეთის პრემიერ-მინისტრმა, ვიქტორ ორბანმა, ავსტრიის ულტრამემარჯვენე „თავისუფლების პარტიის“ ლიდერმა, ჰერბერტ კიკლმა და ჩეხეთის ყოფილმა პრემიერ-მინისტრმა, ანდრეი ბაბიშმა ევროპარლამენტში ახალი მემარჯვენე ჯგუფი, სახელწოდებით „პატრიოტები ევროპისთვის“ შექმნეს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის