ინდოეთის პრემიერ-მინისტრი ნარენდრა მოდი ორდღიანი ოფიციალური ვიზიტით მოსკოვში გაემგზავრა.

ინდოეთის საგარეო საქმეთა სამინისტროს ცნობით, მთავრობის მეთაური რუსეთში მოსკოვის დროით დაახლოებით 15:00 საათზე ჩაფრინდება.

გამგზავრებამდე ინდოეთის პრემიერ-მინისტრმა განაცხადა, რომ მოუთმენლად ელის რუსეთის პრეზიდენტ ვლადიმერ პუტინთან შეხვედრას და მას მეგობარი უწოდა.

ნარენდრა მოდიმ აღნიშნა, რომ რუსეთის ფედერაციაში ოფიციალური ვიზიტით ინდოეთ-რუსეთის 22-ე ყოველწლიურ სამიტზე დასასწრებად ჩადის.