ვოლოდიმირ ზელენსკი პოლონეთში ჩავიდა
უკრაინის პრეზიდენტი, ვოლოდიმირ ზელენსკი ვარშავაში ჩავიდა, - ინფორმაციას უკრაინული მედია ავრცელებს.
მათივე ინფორმაციით, ვიზიტის ფარგლებში უკრაინის ლიდერი პოლონეთის პრეზიდენტსა, ანჯეი დუდას და პრემიერ-მინისტრს, დონალდ ტუსკს შეხვდება.
გამოცემა wprost წერს, რომ ქვეყნების ლიდერები, სავარაუდოდ, უსაფრთხოების სფეროში გრძელვადიანი თანამშრომლობის შესახებ შეთანხმებას მოაწერენ ხელს.
უკრაინის პრეზიდენტი, პოლონეთის შემდეგ ვაშინგტონში ნატო-ს სამიტზე დასასწრებად გაემგზავრება.
