საია-ს ანალიტიკოსი - იუსტიციის უმაღლეს საბჭოში გამოგვიცხადეს, რომ არ გვაქვს უფლება სხდომას ფოიეში დაველოდოთ - შენობის შესასვლელ კარსა და შლაგბაუმს შორის დაგვიდეს ორი სკამი - გვითხრეს, რომ საბჭოს მდივნის ზეპირი განკარგულება

იუსტიციის უმაღლეს საბჭოში გამოგვიცხადეს, რომ ანალიტიკოსებს უფლება არ გვაქვს სხდომას ფოიეში დაველოდოთ - გვითხრეს, ეს არის იუსტიციის უმაღლესი საბჭოს მდივნის ზეპირი განკარგულება და შესაბამისად, ჩვენ სხდომებს უნდა დაველოდოთ შენობის გარეთ, - ამის შესახებ საია-ს ანალიტიკოსმა ნინო ნოზაძემ „ინტერპრესნიუსს“ განუცხადა.

როგორც მან განმარტა, გამჭვირვალობის კუთხით იუსტიციის უმაღლეს საბჭოში სიტუაცია გაუარესებული და სავალალოა.

მისივე თქმით, მონიტორინგის განმახორციელებელი ორგანიზაციები იუსტიციის უმაღლესი საბჭოს სხდომებს მონიტორინგს 2016 წლიდან უწევენ და სხდომებზე მათი დასწრება პრობლემას არ წარმოადგენდა, შესაბამისად პრობლემა არ შექმნილა სხდომის დაწყებამდე, „ფოიეში“ მათი ლოდინის მხრივაც.

„საზოგადოებამ იცის, რომ სხდომები ერთი, ორი საათის დაგვიანებით იწყება. თუმცა, რუსული კანონის ინიციირებას დაემთხვა სწორედ ეს ინიციატივა, როდესაც იუსტიციის საბჭოში გამოგვიცხადეს, რომ ჩვენ უფლება არ გვაქვს სხდომას დაველოდოთ ფოიეში. როდესაც მოვიკითხეთ, ამას რა არეგულირებს, გვითხრეს, ეს არის იუსტიციის უმაღლესი საბჭოს მდივნის ზეპირი განკარგულება და შესაბამისად, ჩვენ სხდომებს უნდა დაველოდოთ შენობის გარეთ. როდესაც ეს გავაპროტესტეთ მათ მომდევნო სხდომაზე მოგვცეს უფლება და გამოიჩინეს „კეთილი ნება“, რომ შენობის შესასვლელ კარსა და შლაგბაუმს შორის, სადაც დაახლოებით, ნახევარი მეტრია ადგილი, დაგვიდეს ორი სკამი. ეს ხდება შესასვლელი, არადა „ფოიე“ არის თავისუფალი, სავარაუდოდ 10-20 კაცი ეტევა. თუმცა, გვითხრეს, რომ იქ დალოდების უფლება არ გვაქვს და დაახლოებით, 2 საათი ველოდებით სხდომას. მაგალითად, 8 ივლისს საბჭოში სხდომა დანიშნული იყო 15:00 საათზე და 20:00 საათზე გვითხრეს, რომ სხდომა გადაიდო“, - განაცხადა ნინო ნოზაძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის