ირაკლი ზარქუა - თითქოსდა, განახლებული სახეებით არაფერი იცვლება - „ნაცი“ „ნაცად“ რჩება, წინ გინდ ორიანი მიუწერე და გინდ - ხუთიანი, მაინც „ნაცები“ არიან თავიდან ბოლომდე - სამარცხვინო სიტუაციაა! ერთმანეთში აქვთ ქიშპი

ამ სახეებით - თითქოსდა, განახლებული სახეებით არაფერი იცვლება - „ნაცი“ „ნაცად“ რჩება, წინ გინდ ორიანი მიუწერე და გინდ - ხუთიანი, მაინც „ნაცები“ არიან თავიდან ბოლომდე, ხუთია მათი ციფრი და „ნაცია“ მათი სახელი! - ამის შესახებ ჟურნალისტებს „ქართული ოცნების“ დეპუტატმა ირაკლი ზარქუამ განუცხადა.

ზარქუას თქმით, მიმდინარეობს შიდა ბრძოლა გავლენებისთვის, „ხალხის ინტერესები კი სულ ფეხებზე ჰკიდიათ, - მთავარია, თუ ვინ იქნება მთავარი ოპოზიციური პარტია“.

“გუშინ, ჩემი „ხაბე“ ისევ დამიჩაგრეს. ამ ბიჭმა ასეთი რა დააშავა, რომ სცენაზეც არ აუშვეს, განახლებულ სიაშიც ვერ მოხვდა - „ხაბე“ გამაგრდი, გგულშემატკივრობ!

ახალი სახე გიორგი ვაშაძეა, თინა ბოკუჩავა, თუ არმაზ დიდი, პარლამენტში რომ ლექციებს ატარებდა ხოლმე?! - ციფრი დაიტოვეს, სათაური შეცვალეს! მათზე სერიოზულად როგორ უნდა ილაპარაკო, აგდებულად უნდა ილაპარაკო! ნეტა, ბელადმა იცის, მის პარტიას სახელი რომ გადაარქვეს? - თავისი პარტიის სახელწოდება რცხვენიათ და შეცვალეს! ახალ სახედ არმაზ ახვლედიანი და თამარ კორძაია უნდა შემოგვასაღონ. კორძაიას მიმართ მეგრული სოლიდარობა მაქვს და არ ვიცი, ამ გაუგებრობაში როგორ მოხვდა.

ვინაა ახალი სახე? - ერთი გვარამიაა ახალი სახე პოლიტიკაში და მეორე ნიკა მელია. სამარცხვინო სიტუაციაა! ერთმანეთში აქვთ ქიშპი“, - განაცხადა ირაკლი ზარქუამ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის