სახალხო დამცველის აპარატსა და სპეციალურ პენიტენციურ სამსახურს შორის მორიგი სამუშაო შეხვედრა გაიმართა

სახალხო დამცველის აპარატსა და სპეციალურ პენიტენციურ სამსახურს შორის მორიგი სამუშაო შეხვედრა გაიმართა.

სახალხო დამცველის აპარატის ინფორმაციით, უწყებებმა სახალხო დამცველის აპარატის მიერ პენიტენციურ სისტემაში გამოვლენილი გამოწვევები და სახალხო დამცველის რეკომენდაციები განიხილეს. სპეციალურმა პენიტენციურმა სამსახურმა სახალხო დამცველის აპარატს სისტემაში მიმდინარე პროექტებისა და პოზიტიური სიახლეების შესახებ ინფორმაცია გაუზიარა.

მათივე ცნობით, შეხვედრაზე არაერთ მნიშვნელოვან საკითხზე ისაუბრეს, რომელიც შეეხებოდა პენიტენციურ სისტემაში არსებულ უსაფრთხოებასა და წესრიგს, მსჯავრდებულებისთვის საშიშროების რისკის განსაზღვრის პროცესში არსებულ ხარვეზებს, პენიტენციური დაწესებულებების პირობებსა და ინფრასტრუქტურულ გამოწვევებს, მცირე დაწესებულებებად დაყოფისა და დაბალანსებული ინფრასტრუქტურის შექმნის სტრატეგიას, ელექტრონული მეთვალყურეობის სისტემის გამართვას, პატიმართა რეაბილიტაცია-რესოციალიზაციის პროგრამებსა და ფსიქო-სოციალური კომპონენტის გაძლიერებას, პატიმრების ოჯახთან ახლოს მდებარე პენიტენციურ დაწესებულებებში განთავსების საჭიროებას, სამოქალაქო კლინიკებში ხანგრძლივი ვადით გადაყვანილი პატიმრების უფლებრივი მდგომარეობის უზრუნველყოფას და სხვა.

„უწყებები გააგრძელებენ სამომავლო თანამშრომლობას, პატიმართა უფლებრივი მდგომარეობის გაუმჯობესების მიზნით. სახალხო დამცველის აპარატი კვლავ აქტიურად მოახდენს ბრალდებულთა და მსჯავრდებულთა უფლებების დაცვაზე ზედამხედველობას.

შეხვედრა ევროკავშირის პროექტის „საქართველოს სახალხო დამცველის ოფისის მხარდაჭერა“ ფარგლებში გაიმართა“,- ნათქვამია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის