სახალხო დამცველი რელიგიის სააგენტოს ქართულ-ამერიკულ კონფერენციაში მონაწილეობდა

9-10 ივლისს საქართველოს სახალხო დამცველმა ბათუმში გამართულ მეორე ქართულ-ამერიკულ საერთაშორისო კონფერენციაში მიიღო მონაწილეობა, რომელზეც თანამედროვე გლობალური გამოწვევების დასაძლევად რელიგიური განათლების როლი განიხილეს.

ამის შესახებ ინფორმაციას სახალხო დამცველის აპარატი ავრცელებს.

მათივე ინფორმაციით, კონფერენციაზე საქართველოს სახალხო დამცველმა რელიგიური ტოლერანტობის კუთხით წლების მანძილზე შესწავლილი გამოწვევები და მათი აღმოფხვრის მიმართულებით აპარატის მუშაობის პრაქტიკა განიხილა.

„ასევე, ხაზი გაუსვა რელიგიის თავისუფლების უფლების რეალიზაციისთვის სახალხო დამცველის აპარატის როლს და შემუშავებული რეკომენდაციებიც წარმოადგინა.

თავის გამოსვლაში ლევან იოსელიანმა განსაკუთრებული ყურადღება გაამახვილა საბჭოთა პერიოდში ჩამორთმეული რელიგიური ნაგებობების ისტორიული მესაკუთრეებისთვის დაბრუნების საკითხზე და მიყენებული ზიანისა და ჩამორთმეული ქონების ოდენობის აღწერისა და შეფასების პროცესის დაწყების აუცილებლობაზე. ასევე, მიმოიხილა საქართველოს ოკუპირებულ ტერიტორიებზე რელიგიის თავისუფლების თვალსაზრისით არსებული მდგომარეობა.

სხვა საკითხებთან ერთად, სახალხო დამცველმა ცენტრალური ხელისუფლებისა და თვითმმართველობის ორგანოების საქართველოში მოქმედ რელიგიურ ორგანიზაციებთან მჭიდრო თანამშრომლობისა და კომუნიკაციის მნიშვნელობაზე ისაუბრა და ხელისუფლებას არსებული პრობლემების გადასაჭრელად სახალხო დამცველის რეკომენდაციების, მათ შორის, შრომის კოდექსში უმცირესობათა რელიგიური დღესასწაულების უქმეებად გამოცხადების შესახებ რეკომენდაციის გათვალისწინებისკენ მოუწოდა.

კონფერენცია რელიგიის საკითხთა სახელმწიფო სააგენტოსა და ამერიკის შეერთებული შტატების ავტორიტეტული არასამთავრობო ორგანიზაცია „გლობალური ჩართულობის ინსტიტუტის“ ორგანიზებით გაიმართა“, - ნათქვამია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის