ბუნდესტაგის დეპუტატი - ჩვენ ჯერ კიდევ მზად ვართ თანამშრომლობისთვის, გვინდა თანამშრომლობა მომავალში, მაგრამ საქართველოს მთავრობის ქმედებებს შედეგები მოჰყვება - ევროკავშირმა უნდა მოახდინოს რეაგირება

საქართველოს მთავრობის გადაწყვეტილებები ნათელია, ევროკავშირმა უნდა მოახდინოს რეაგირება. ამის შესახებ გერმანიის პარლამენტის (ბუნდესტაგის) დეპუტატმა და ბუნდესტაგის ევროკავშირის კომიტეტის წევრმა, თომას ჰაკერმა თბილისში გამართულ კონფერენციაზე განაცხადა.

“ერთი წლის წინ, როდესაც ეს [კანონპროექტი] გაწვეულ იქნა, მთავრობის დაპირება ნათელი იყო - ამ კანონპროექტს პარლამენტში აღარასდროს არ დავაბრუნებთ - ეს დაპირება არ შესრულდა.

გასული წლის ეს დაპირება ერთ-ერთი ფაქტორი იყო ევროკომისიისთვის, რომ საქართველოსთვის კანდიდატის სტატუსის მინიჭების რეკომენდაცია გაეცა და ევროპულ საბჭოს საქართველოსთვის კანდიდატის სტატუსი მიენიჭებინა. ახლა ეს “უცხოური აგენტების” კანონპროექტი, როგორც გასულ წელს ერქვა, “უცხოური გავლენების” კანონპროექტი, როგორც ახლა ჰქვია, ძალიან დაჩქარებული პროცედურით იქნა მიღებული, ამას სხვა კანონპროექტებიც მოყვა.

ჩვენ სხვადასხვა პარტიების წევრები ვართ, გერმანიის მმართველი პარტიების და ოპოზიციური პარტიების, მაგრამ აქ ერთად ვართ, რათა ხაზი გავუსვათ, რომ ქართველი ხალხისთვის, საქართველოს მთავრობისთვის ევროკავშირში მოწვევა ჯერ კიდევ ღიაა, აქ იმისთვის ვართ, რომ დახმარების ხელი გამოგიწოდოთ, ვინაიდან, ეს არის ერთად მუშაობის ევროპული გზა, ერთად დისკუსიისა და ხალხისთვის საუკეთესო რამეზე შეთანხმების გზაა.

მაგრამ, გულწრფელად რომ ვისაუბროთ, მეორე მხრივ, თუ საქართველოს მთავრობა სხვა რამეს გადაწყვეტს, ევროკავშირმა ასევე უნდა მოახდინოს რეაგირება, და ნათელია გადაწყვეტილებები, რომლებიც უკვე იქნა მიღებული, უნდა გადავიაზროთ ჩვენი დახმარება - საქართველოსთვის მიცემული ფული, უნდა გადავიაზროთ შემდგომი თანამშრომლობა. ჩვენ ჯერ კიდევ მზად ვართ თანამშრომლობისთვის, გვინდა თანამშრომლობა მომავალში, მაგრამ თქვენ ასევე უნდა დაინახოთ, რომ [საქართველოს] მთავრობის ქმედებებს შედეგები მოჰყვება თითოეული ადამიანისთვის”, - განაცხადა ჰაკერმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის