ნატო-ს სამიტის ფარგლებში, ილია დარჩიაშვილმა ბელგიელ კოლეგასთან, აჯა ლაბიბთან შეხვედრა გამართა

საქართველოს საგარეო საქმეთა მინისტრი, ილია დარჩიაშვილი ბელგიის სამეფოს საგარეო საქმეთა, ევროპის საქმეთა, საგარეო ვაჭრობის და ფედერალური კულტურული ინსტიტუტების მინისტრს, აჯა ლაბიბს შეხვდა. ამის შესახებ ინფორმაციას საქართველოს საგარეო უწყება ავრცელებს.

როგორც სამინისტროს მიერ გავრცელებულ ინფორმაციაშია ნათქვამი, შეხვედრაზე აღინიშნა ნატო-ს საიუბილეო სამიტის და მისი დღის წესრიგით გათვალისწინებული საკითხების მნიშვნელობა, საუბარი შეეხო უსაფრთხოების გამოწვევებს და მათთან გამკლავების გზებს.

„ყურადღება გამახვილდა ნატო-საქართველოს თანამშრომლობისა და ალიანსში ქვეყნის ინტეგრაციის ძირითად ასპექტებზე. ხაზი გაესვა საიუბილეო სამიტში პარტნიორი ქვეყნების მონაწილეობის მნიშვნელობას. აღინიშნა, რომ საქართველო არის ალიანსის მნიშვნელოვანი და სანდო პარტნიორი რეგიონში და მისი მონაწილეობა ვაშინგტონის სამიტზე ამას კიდევ ერთხელ ადასტურებს.

ხაზი გაესვა ასევე საქართველოს მიერ გაწეულ კონტრიბუციას ევროატლანტიკური სივრცის უსაფრთხოების განმტკიცების მიმართულებით.

ბელგიასთან, როგორც ევროკავშირის ყოფილ თავმჯდომარე ქვეყანასთან, შეხვედრაზე განსაკუთრებული ყურადღება გამახვილდა საქართველოს ევროინტეგრაციის პროცესზე. აღინიშნა 2023 წელს საქართველოსთვის კანდიდატის სტატუსის მინიჭება, რამაც საქართველოს ევროკავშირთან თანამშრომლობა ახალ ეტაპზე გადაიყვანა.

ილია დარჩიაშვილმა ისაუბრა საქართველოს ევროკავშირში ინტეგრაციის მიმდინარე პროცესებზე, გამოწვევებზე და კიდევ ერთხელ დადასტურდა საქართველოს მზაობა შემდგომი თანამშრომლობისთვის“, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია