„ლუზერების“, ხელმოცარულების, განულებულების ჯგუფებმა რა შედეგი უნდა მიიღონ არჩევნებზე?! - არც არაფერი! - ასე უპასუხა ოპოზიციური პარტიების გაერთიანების თემაზე დასმულ კითხვას “ქართული ოცნების“ დეპუტატმა ირაკლი ზარქუამ.

ზარქუას აზრით, “ისინი დონორებს ატყუებენ, რათა წინასაარჩევნოდ დიდი ფული წამოიღონ, ჯიბეში ჩაიდონ და მერე თქვან: ვეცადეთ, მაგრამ არაფერი გამოგვივიდა“.

“ლუზერების", ხელმოცარულების, განულებულების ჯგუფებმა რა შედეგი უნდა მიიღონ არჩევნებზე?! - არაფერი! როგორც ჩანს, ვიღაცამ ამ ცენტრების შექმნას ურჩია და შემდეგ, როცა საარჩევნო ბარიერს მიღმა დარჩებიან, იტყვიან - არჩევნები გაგვიყალბეს, თორემ ჩვენ ვიგებდითო.

ცალკე რომ იყავი მხარდაჭერის 1%-ც არ გქონდა! მელია რომ იყავი, საკუთარი პარტიიდან პანჩურით გაგაგდეს, "ხაბემ" ჩამოგაგდო და ასეთი კაცი პოლიტიკაში დარჩი - ჰოდა, რა პრეტენზია გაქვთ?!“, - განაცხადა ირაკლი ზარქუამ.