აშშ-ის პრეზიდენტმა, ჯო ბაიდენმა დონალდ ტრამპის ახლად არჩეულ ვიცე-პრეზიდენტობის კანდიდატს, ჯეი დი ვანსს დონალდ ტრამპის კლონი უწოდა.

”ტრამპის კლონი ამ საკითხებზე. ვერ ვხედავ განსხვავებას“, - განუცხადა ბაიდენმა ჟურნალისტებს ნევადაში გაფრენამდე.

მოგვიანებით, მან NBC-თან ინტერვიუს დროს ამ თემაზე უფრო ვრცლად ისაუბრა და განმარტა, რომ ჯეი დი ვანსს აქვს იგივე პოლიტიკა, რაც ტრამპს, როდესაც საქმე ეხება გადასახადებს, კლიმატის ცვლილებას და სხვა მნიშვნელოვან საკითხებს. „მან ხელი მოაწერა ტრამპის დღის წესრიგს“, - დასძინა ბაიდენმა.

შეგახსენებთ, დონალდ ტრამპმა ვიცე-პრეზიდენტობის კანდიდატად ჯეი დი ვანსი აირჩია.

ჯეი დი ვანსი არის 39 წლის „რესპუბლიკელი“ სენატორი ოჰაიოდან, რომელსაც აღნიშნული თანამდებობა 2023 წლიდან უკავია.