ომანში, მეჩეთთან ახლოს სროლის შედეგად 4 ადამიანი დაიღუპა, - ამის შესახებ ინფორმაციას ომანის პოლიცია ავრცელებს.

ომანის სამეფო პოლიციის ცნობით, სროლა ომანის დედაქალაქ მასკატში, უადი კაბირის რაიონში მოხდა, რის შედეგადაც, 4 ადამიანი დაიღუპა და რამდენიმე დაშავდა.

„უსაფრთხოების ყველა ზომა მიღებულია, მტკიცებულებების შეგროვებისა და საგამოძიებო პროცედურები დასრულებულია“, - ნათქვამია პოლიციის განცხადებაში.

ომანში აშშ-ის საელჩომ თავის მოქალაქეებს სიფრთხილისკენ მოუწოდა.