ჩარლზ III - მთავრობა უკრაინისა და უკრაინელი ხალხის სრულ მხარდაჭერას გააგრძელებს და შეეცდება უკრაინის ნატო-ში გაწევრიანების გზაზე წამყვანი როლი ითამაშოს
დიდი ბრიტანეთის მთავრობა ევროპასთან ურთიერთობების „გადატვირთვის“ და უკრაინის მხარდაჭერის გაგრძელების პირობას დებს, - ამის შესახებ დიდი ბრიტანეთის მეფემ, ჩარლზ III-მ ახალი „ლეიბორისტული“ მთავრობის პროგრამის წარდგენისას, განაცხადა.
„ჩემი მთავრობა შეეცდება ევროპელ პარტნიორებთან ურთიერთობები გადატვირთოს და ევროკავშირთან გაერთიანებული სამეფოს სავაჭრო და საინვესტიციო ურთიერთობების გაუმჯობესების მიზნით იმუშაოს“, - განაცხადა დიდი ბრიტანეთის მეფემ.
ასევე, ჩარლზ III-მ აღნიშნა, რომ დიდი ბრიტანეთის მთავრობა, კირ სტარმერის მეთაურობით, უკრაინის მხარდაჭერას გააგრძელებს და ნატო-ს მიმართ მისი ერთგულება ურყევი დარჩება.
„ჩემი მთავრობა უკრაინისა და უკრაინელი ხალხის სრულ მხარდაჭერას გააგრძელებს და შეეცდება უკრაინის ნატო-ში გაწევრიანების გზაზე წამყვანი როლი ითამაშოს“, - აღნიშნა გაერთიანებული სამეფოს მონარქმა.
