საფრანგეთში, ქალაქ ნიცაში, საცხოვრებელ კორპუსში გაჩენილ ხანძარს 7 ადამიანი ემსხვერპლა, მათ შორის 3 ბავშვი, - ამის შესახებ ინფორმაციას საფრანგეთის შინაგან საქმეთა მინისტრი, ჟერალდ დარმანინი ავრცელებს.

ჟერალდ დარმანინის ცნობით, ხანძარი ქალაქ ნიცაში, მულინსის რაიონში მდებარე საცხოვრებელი კორპუსის მეშვიდე სართულზე გაჩნდა, რის შედეგადაც 7 ადამიანი, მათ შორის, 3 ბავშვი დაიღუპა.

ადგილობრივი პროკურატურის განცხადებით, გამოძიება არ გამორიცხავს, რომ ხანძარი განზრახ არ გაუჩენიათ.

ხანძრის სალიკვიდაციო სამუშაოებში 25 სახანძრო მანქანა და 72 მეხანძრე იყო ჩართული.