საქართველოს პარლამენტის თავმჯდომარემ შალვა პაპუაშვილმა ქალთა ფეხბურთის ეროვნულ ნაკრებს, რამდენიმე დღის წინ, ევროპის ჩემპიონატის საკვალიფიკაციო პლეიოფში მოპოვებული წარმატება პარლამენტის რიგგარეშე სესიაზე მიულოცა.
როგორც მან აღნიშნა, „მას შემდეგ, რაც ვაჟთა ნაკრებმა ასე გაგვიხარა გული, სასიხარულოა ძალიან, რომ ქალთა ეროვნული ნაკრებიც ასეთ წარმატებებს აღწევს“.
„ვულოცავ საქართველოს ქალთა ფეხბურთის ეროვნულ ნაკრებს მოპოვებულ ევროპის ჩემპიონატის საკვალიფიკაციო პლეიოფში გასვლას. რაც დიდი შედეგია. მას შემდეგ, რაც ვაჟთა ნაკრებმა ასე გაგვიხარა გული, სასიხარულოა ძალიან, რომ ქალთა ეროვნული ნაკრებიც ასეთ წარმატებებს აღწევს. ვუსურვებ მათ წარმატებას შემდეგ ეტაპებზე“, - განაცხადა შალვა პაპუაშვილმა.
