„ჰამასმა“ პალესტინურ დაჯგუფებებთან, მათ შორის „ფატაჰთან“ შეთანხმება გააფორმა, - ამის შესახებ ინფორმაციას „ჰამასის“ ოფიციალური წარმომადგენელი, მუსა აბუ მარზუკი ავრცელებს.

„დღეს ჩვენი ეროვნული ერთიანობისთვის შეთანხმებას ვაფორმებთ და ვამბობთ, რომ ამის დასრულების გზა ეროვნულ ერთიანობაზე გადის. ჩვენ ეროვნული ერთიანობის ერთგული ვართ“, - განაცხადა აბუ მარზუკმა.

პალესტინურ დაჯგუფებებს შორის მოლაპარაკებები ჩინეთში, 21-23 ივლისს გაიმართა. შეთანხმებას ხელი 14-მა დაჯგუფებამ მოაწერა.