რადიკალური ოპოზიცია კარგად აცნობიერებს, რომ არჩევნები წაგებული აქვთ, ამიტომ ყველაფერზე არიან წამსვლელი, მათ შორის ტერორისტული აქტების მომზადებასა და ადამიანის მოკვლაზეც კი - დარწმუნებული ვარ, სუს-ში მიმდინარე გამოძიება ყველა საკითხს ნათელს მოჰფენს! - ეს განცხადება მედიასთან "ქართული ოცნების" წევრმა რატი იონათამიშვილმა გააკეთა.

იონათამიშვილის თქმით, ექვსი დღეა სახელმწიფო უსაფრთხოების სამსახურში მიმდინარეობს გამოძიება, ტერორისტული აქტის მომზადებითა და შეთქმულებით სახელმწიფო გადატრიალების უმძიმესი მუხლებით.

"რადიკალური ოპოზიციის მედია საშუალებები, გამოკითხული პირები და მათი ადვოკატები საზოგადოებას უმალავენ, რომ გამოძიება ტერორისტული აქტის მომზადების მუხლითაც მიმდინარეობს.

აქ არის მთავარი კითხვა, რაც საზოგადოებას გააჩნია - მეექვსე დღეს რატომ წამოსცდათ ან აღიარეს ამ ადამიანებმა, რომ ამ უმძიმესი მუხლით მიმდინარეობს გამოძიება?!" - განაცხადა რატი იონათამიშვილმა.