უკრაინულმა მხარემ რუსების მიერ გაშვებული 20 დრონი ჩამოაგდო, - ამის შესახებ ინფორმაციას უკრაინის საჰაერო ძალები ავრცელებს.

უკრაინის საჰაერო ძალების ცნობით, რუსულმა ძალებმა უკრაინის მიმართულებით „ისკანდერ-მ“ ტიპის ბალისტიკური რაკეტა და 22 დრონი გაუშვეს, რომელთაგან 20 უკრაინის საჰაერო თავდაცვამ ჩამოაგდო.

უკრაინელებმა დრონები ხერსონის, ჟიტომირის, ჩერნიგოვისა და სუმის ოლქებში გაანადგურეს.