ევროკომისიის პრეზიდენტ ურსულა ფონ დერ ლაიენთან ჩემი უკანასკნელი კონსულტაციის შემდეგ, ევროკომისიაში ჩემ მიერ ნომინირებული კვლავ ოლივერ ვარჰეი იქნება, - ამის შესახებ განცხადება უნგრეთის პრემიერ-მინისტრმა ვიქტორ ორბანმა სოციალურ ქსელ X-ში გაავრცელა.

მისი თქმით, უკანასკნელი 5 წლის განმავლობაში ვარჰეიმ დაამტკიცა, რომ ევროკავშირს პოზიტიური წვლილის შეტანა შეუძლია თავის სამეზობლოში.

„უკანასკნელი 5 წლის განმავლობაში კომისარმა ვარჰეიმ დაამტკიცა, რომ ევროკავშირს შეუძლია ცვლილების შეტანა, როგორც პოზიტიურ ძალას თავის სამეზობლოში და მის ფარგლებს გარეთ. ის დიდებულ სამუშაოს ჩაატარებს მომდევნო ევროკომისიაში,“- განაცხადა ორბანმა.

ცნობილია, რომ მომდევნო 5 წლის განმავლობაში ევროკომისიას კვლავ ურსულა ვონ დერ ლაიენი უხელმძღვანელებს.