პარიზის ოლიმპიური თამაშების მოკრივეთა შეჯიბრი ლაშა გურულმა წარმატებით დაიწყო.

ოლიმპიური კომიტეტის ინფორმაციით, საქართველოს ნაკრების ლიდერი მისთვის სადებიუტო რინგზე გამოსვლას მერვედფინალიდან შეუდგა და წარმატებასაც მიაღწია.

ქართველმა მოკრივემ ქულებით - 5-0 დაამარცხა აზერბაიჯანელი მალიკ ჰასანოვი და მეოთხედფინალში გამოსვლის უფლება მოიპოვა.

გურული მეოთხედფინალურ შეხვედრას 1-ელ აგვისტოს ყაზახი ბაზარბაი მუჰამედსაბირის წინააღმდეგ გამართავს.