უკრაინელებმა რუსების მიერ გაშვებული ყველა დრონი გაანადგურეს, - ამის შესახებ ინფორმაციას უკრაინის საჰაერო ძალები ავრცელებს.

უკრაინის საჰაერო ძალების განცხადებით, საჰაერო თავდაცვამ რუსების მიერ დრონებით განხორციელებული მასიური შეტევა მოიგერია.

უკრაინული მხარის ინფორმაციით, სულ, რუსებმა უკრაინის მიმართულებით Shahed-131/136-ის ტიპის 89 დრონი გაუშვეს.

„ეს უპილოტო საფრენი აპარატების გამოყენებით განხორციელებული ერთ-ერთი ყველაზე მასშტაბური შეტევაა. მტერმა ამდენივე დრონი ახალი წლის ღამეს გამოიყენა“, - განაცხადეს უკრაინის საჰაერო ძალებში.

ასევე, უკრაინელებმა ერთი Х-59-ის მართვადი რაკეტა ჩამოაგდეს, რომელიც რუსულმა ძალებმა ნიკოლაევის ოლქის მიმართულებით გაუშვეს.