დონორი ორგანიზაციები, მათ შორის აშშ-დან და ევროკავშირიდან, რომლებიც სუბიექტური შემფასებლები არიან, ობიექტურ შემფასებლებად ვეღარ გამოდგებიან - როდესაც პოლიტიკურ ოპოზიციასა და პოლიტიკაში გადავარდნილ NGO-ს სუბიექტურად აფინანსებ, ამის შემდეგ შენი შეფასება დამაჯერებელი აღარ იქნება! - ეს განცხადება დღეს პარლამენტში, უმრავლესობის დეპუტატმა გურამ მაჭარაშვილმა გააკეთა.

მაჭარაშვილის შეფასებით, ოპოზიცია შოკშია, რადგან იციან, რომ არჩევნებში მარცხდებიან და ამის გამო არჩევნებამდე სამი თვით ადრე, დელეგიტიმაციაზე საუბრობს.

"ეს იმას ნიშნავს, რომ კარგად იციან, რომ მათ არჩევნები წაგებული აქვთ, ხალხი მათ წაგებას ოქტომბერში დე იურედ გააფორმებს და არსებულ ხელისუფლებას დატოვებს ხელისუფლებაში", - განაცხადა მედიასთან გურამ მაჭარაშვილმა