„ქართული ოცნების“ ხელისუფლებამ ნდობის მანდატი ამოწურა - ამ რუსულ ძალას ურთიერთობების გადატვირთვის არანაირი რესურსი არა აქვს არც პარტნიორ ქვეყნებთან და არც საქართველოს მოქალაქეებთან, - ეს განცხადება პარლამენტში "ლელოს" დეპუტატმა ანა ნაცვლიშვილმა გააკეთა.

ნაცვლიშვილის აზრით, "ქართულ ოცნებას" ქვეყნისთვის არა თუ რაიმე სარგებლის მოტანა შეუძლია, არამედ მხოლოდ მავნებლობისა და ზიანის მომტანია.

"ხელისუფლების შეცვლის შემდეგ პარტნიორებთან არა თუ აღდგება ურთიერთობა, არამედ სულ სხვა ურთიერთობებზე გადავალთ. ამიტომ ხელისუფლების შეცვლა კრიტიკულად მნიშვნელოვანია - არსებული ხელისუფლების პირობებში გადატვირთვა არ და ვერ მოხდება!" - განაცხადა ანა ნაცვლიშვილმა.