პროფესიული უნარების სააგენტო პროფესიულ საგანმანათლებლო დაწესებულებებში ექსტრაკურიკულური აქტივობების დანერგვა-განვითარებისთვის კონკურსს აცხადებს. ამის შესახებ ინფორმაციას სააგენტოს პრესსამსახური ავრცელებს.

როგორც გავრცელებულ განცხადებაშია ნათქვამი, კონკურსში მონაწილეობა შეუძლიათ ავტორიზებული პროფესიული საგანმანათლებლო პროგრამების განმახორციელებელ დაწესებულებებს.

„პროფესიული უნარების სააგენტო, მესამედ აცხადებს კონკურსს პროფესიულ საგანმანათლებლო დაწესებულებებში ექსტრაკურიკულური აქტივობების დანერგვა-განვითარებისთვის.

განაცხადების მიღება 2 აგვისტოს დაიწყო და 9 სექტემბრის ჩათვლით გაგრძელდება.

კონკურსის მიზანია მრავალფეროვანი სტუდენტური სერვისების დანერგვის ხელშეწყობა, მონაწილეებში საკვანძო კომპეტენციების განვითარება, გაეროს მდგრადი განვითარების მიზნების მიღწევა, სწავლა-სწავლების, სტუდენტური სერვისებისა და ინკლუზიური განვითარების ხელშეწყობა.

კონკურსში მონაწილეობა შეუძლიათ ავტორიზებული პროფესიული საგანმანათლებლო პროგრამების განმახორციელებელ დაწესებულებებს.

ვრცლად კონკურსის შესახებ იხილეთ ბმულზე: https://bit.ly/3Wsz3r3“ , - ნათქვამია ინფორმაციაში.