„ერთიანობა - ნაციონალური მოძრაობის" ტურნე გრძელდება. დღეს "ერთიანობის" ლიდერები კახეთში ადგილობრივ მოსახლეობას შეხვდებიან.

როგორც "ერთიანობის" ერთ-ერთი ლიდერი სერგო ჩიხლაძე აცხადებს, 26 ოქტომბრამდე ისინი ყველა ქალაქსა თუ სოფელს მოივლიან, შეხვდებიან ყველას და საბოლოოდ 26 ოქტომბრის გამარჯვების შემდეგ მყისიერად დაიწყება საქართველოს ევროკავშირში გაწევრიანების პროცესი.

"ერთიანობის ტურნე გრძელდება, დღეს ვიქნებით კახეთში, თელავში.

26 ოქტომბრამდე ვიქნებით ყველგან, ყველა სოფელში, ყველა მუნიციპალიტეტში, ყველა ქალაქში, დიდსა თუ პატარაში შევხდებით ასობით ათას ჩვენს ამომრჩეველ თანამოქალაქეს.

26 ოქტომბერს ვიმარჯვებთ და 26 ოქტომბრიდან იწყება ახალი თავი საქართველოს ისტორიაში, რასაც საქართველო ევროკავშირში, რეფორმები, განვითარება, ქვეყნისა და ოჯახების გამდიდრება და საქართველოს ევროპული მომავალი ჰქვია. ამისთვის მოსახლეობა მზად არის, ამისთვის ჩვენ მზად ვართ.

ჩვენ ვართ მოტივირებულები, აუცილებლად ვიქნებით ყველა ქალაქში, ყველა სოფელში თითოეულ ქართველს, თითოეულ საქართველოს მოქალაქეს შევხდებით 26 ოქტომბრამდე,"- განაცხადა ჩიხლაძემ.