საქართველოს პრეზიდენტი, სალომე ზურაბიშვილი ინფექციური პათოლოგიის, შიდსის და კლინიკური იმუნოლოგიის ცენტრის გენერალური დირექტორის, თენგიზ ცერცვაძის სამოქალაქო პანაშვიდზე იმყოფება.

სალომე ზურაბიშვილმა თენგიზ ცერცვაძის ოჯახის წევრებს მიუსამძიმრა.

პანაშვიდი სიონის საკათედრო ტაძარში მიმდინარეობს და მას საზოგადოების სხვადასხვა სფეროს წარმომადგენლები ესწრებიან.

ცნობისთვის, იმუნოლოგი, პროფესორი, მედიცინის მეცნიერებათა დოქტორი, საქართველოში აივ/შიდსის ცენტრის ფუძემდებელი, ავადმყოფობის შედეგად 76 წლის ასაკში გარდაიცვალა.