სოფო ჯაფარიძე - შუამთობის დღესასწაულს ვულოცავ საოცარ ადამიანებს, ხალხში ძალიან დიდი ერთსულოვნებაა და ყველა ვთანხმდებით, რომ 26 ოქტომბერს საქართველო აუცილებლად გაიმარჯვებს
შუამთობის დღესასწაულს ვულოცავ ამ საოცარ ადამიანებს. ხალხში არის ძალიან დიდი ერთსულოვნება და ყველა ვთანხმდებით, რომ 26 ოქტომბერს საქართველო აუცილებლად გაიმარჯვებს, - ამის შესახებ „ერთიანი ნაციონალური მოძრაობის“ თბილისის ორგანიზაციის თავმჯდომარემ სოფო ჯაფარიძემ განაცხადა.
მისი თქმით, „ერთხელ და სამუდამოდ რუსეთი და რუსული რეჟიმი დამარცხდება ამ ქვეყანაში“.
„ახლა ვიმყოფებით ბეშუმში, შუამთობის დღესასწაულზე. მივულოცეთ ამ საოცარ ადამიანებს. ხედავთ როგორი განწყობა არის, ვხვდებით ჩვენს მოქალაქეებს და რაც მთავარია არის ძალიან დიდი ერთსულოვნება. ყველა ვთანხმდებით, რომ 26 ოქტომბერს საქართველო აუცილებლად გაიმარჯვებს და ერთხელ და სამუდამოდ რუსეთი, რუსული რეჟიმი დამარცხდება ამ ქვეყანაში“, - განაცხადა სოფო ჯაფარიძემ, რომლის კომენტარსაც პრესსმსახური ავრცელებს.
