ისრაელის თავდაცვის მინისტრი, იოავ გალანტი ისრაელზე ირანისა და “ჰეზბოლას” მოსალოდნელი თავდასხმის ფონზე აცხადებს, რომ ისრაელი ძალიან ძლიერად არის მომზადებული და მზად არის სწრაფი რეაგირება მოახდინოს.

„ჩვენ ძალიან ძლიერად ვართ მომზადებული თავდაცვისთვის, ხმელეთზე და ჰაერში და მზად ვართ სწრაფად გადავიდეთ შეტევაზე ან ვუპასუხოთ. მტერს დიდ ზიანს მივაყენებთ, თუ ის ჩვენზე თავდასხმას გაბედავს, და ის მძიმე ფასს გადაიხდის“, - განაცხადა გალანტმა.

ახლო აღმოსავლეთის რეგიონში დაძაბულობა ბეირუთში „ჰეზბოლას“ მეთაურის, ფუად შუკრისა და თეირანში „ჰამასის“ ლიდერის, ისმაილ ჰანიეს მკვლელობის შემდეგ გაიზარდა. ირანი და „ჰამასი“ ჰანიეს მკვლელობაში ისრაელს ადანაშაულებენ და „ჰეზბოლასთან“ ერთად შურისძიების პირობას დებენ.