პრეზიდენტი რომ ვიყო, ირანის მიერ ისრაელზე თავდასხმის შესახებ არავინ ისაუბრებდა, - ამის შესახებ აშშ-ის ყოფილმა პრეზიდენტმა და „რესპუბლიკური პარტიის“ საპრეზიდენტო კანდიდატმა, დონალდ ტრამპმა პლატფორმა Kick-ზე ინტერვიუს დროს განაცხადა.

„გავიგე, რომ ირანი ამაღამ ისრაელს თავს დაესხმება. ამაღამ მათ თავს დაესხმებიან“, - განაცხადა დონალდ ტრამპმა.

აშშ-ის ყოფილმა პრეზიდენტმა აღნიშნა, რომ ამ საკითხზე ინფორმაცია ახალი ამბებიდან მიიღო და საიდუმლო ინფორმაციას არ ფლობს.

„მე რომ პრეზიდენტი ვიყო, ამ სიტყვაზე არავინ ისაუბრებდა, რადგან ეს არ მოხდებოდა, 100%-ით“, - აღნიშნა აშშ-ის ყოფილმა პრეზიდენტმა.