იაპონია თავის მოქალაქეებს მოუწოდებს, ისრაელში არ გაემგზავრონ

იაპონიის საგარეო საქმეთა სამინისტრო საკუთარ მოქალაქეებს მოუწოდებს, ისრაელში არ გაემგზავრონ, - ინფორმაციას Reuters-ი ავრცელებს.

სააგენტოს ცნობით, უწყება გადაწყვეტილების მიზეზად ახლო აღმოსავლეთის რეგიონში არსებულ დაძაბულ ვითარებას ასახელებს.

ცნობისთვის, იაპონიის საგარეო საქმეთა სამინისტრომ ლიბანში მყოფ თავის მოქალაქეებს მოუწოდა, ქვეყანა დატოვონ.

შეგახსენებთ, ახლო აღმოსავლეთის რეგიონში დაძაბულობა ბეირუთში „ჰეზბოლას“ მეთაურის, ფუად შუკრისა და თეირანში „ჰამასის“ ლიდერის, ისმაილ ჰანიეს მკვლელობის შემდეგ გაიზარდა. ირანი და „ჰამასი“ ჰანიეს მკვლელობაში ისრაელს ადანაშაულებენ და „ჰეზბოლასთან“ ერთად შურისძიების პირობას დებენ.