ბადრი ჯაფარიძე - ამერიკის შეერთებული შტატები ჩვენი ხალხის, ჩვენი სახელმწიფოს ერთგულ მეგობრად რჩება და გააგრძელებს მხარდაჭერას ჩვენი ხალხისადმი, ეს მხარდაჭერა ორპარტიული და უცვლელია
„ლელოს“ ერთ-ერთი ლიდერის, ბადრი ჯაფარიძის განცხადებით, ამერიკის შეერთებული შტატები ქართველი ხალხის მხარდაჭერას განაგრძობს.
აღნიშნულის შესახებ მან საქართველოში ვიზიტით მყოფ სენატორ ჯინ შაჰინთან და კონგრესმენ მაიკ ტერნერთან შეხვედრის დაწყებამდე ჟურნალისტებს განუცხადა.
„შეერთებული შტატები ჩვენი ხალხის, ჩვენი სახელმწიფოს ერთგულ მეგობრად რჩება და გააგრძელებს მხარდაჭერას ჩვენი ხალხისადმი, ეს მხარდაჭერა არის ორპარტიული, უცვლელი მხარდაჭერა. აქედან გამომდინარე, [ეს ვიზიტი] კიდევ ერთი დადასტურებაა ჩვენი ქვეყნის მიმართ სწორედ ამ ურყევი, ორპარტიული მხარდაჭერის“,- განაცხადა ჯაფარიძემ.
