ეს მიღება არ იყო ადგილი იმისთვის, რომ ჩვენ კრიტიკული შეფასებები მოგვესმინა - მოვისმინეთ მხარდაჭერის სრული გარანტიები, - ამის შესახებ „კოალიცია ცვლილებისთვის“ ლიდერმა, ნიკა გვარამიამ სენატორ ჯინ შაჰინთან შეხვედრიდან გამოსვლის შემდეგ განაცხადა.

მისი შეფასებით, ეს იყო შეხვედრა ჩვენი ქვეყნის ყველაზე მნიშვნელოვან, სტრატეგიულ და ყველაზე უფრო გამორჩეულ მეგობართან.

„ეს მიღება არ იყო ადგილი იმისთვის, რომ ჩვენ კრიტიკული შეფასებები მოგვესმინა. რადგან ეს შეფასებები ვიცით. ასეთი შეფასებები გაკეთდა არამხოლოდ დღეს, არამედ გაკეთდება მომავალშიც. ეს იყო შეხვედრა ჩვენი ქვეყნის ყველაზე მნიშვნელოვან, სტრატეგიულ და ყველაზე უფრო გამორჩეულ მეგობართან. მოვისმინეთ მხარდაჭერის სრული გარანტიები. ჩვენთვის ძალიან სასარგებლო შეხვედრა იყო და გვქონდა შესაძლებლობა, გვესაუბრა გარკვეული პერიოდის განმავლობაში, ცალ-ცალკე ქალბატონ სენატორთან“, - აღნიშნა გვარამიამ.