ლაშა ტალახაძემ კიდევ ერთხელ დაამტკიცა, რომ ჩვენი სახელოვანი ძალოსანი დაუმარცხებელია. წარმატებები ქართველ ოლიმპიელებს და საქართველოს! - ასე ეხმაურება თბილისის მერი კახა კალაძე პარიზის ოლიმპიადაზე ლაშა ტალახაძის მიერ ოქროს მედლის დაუფლებას.

„დღევანდელი წარმატებული დღის ფინალი - მესამე ოლიმპიური ოქრო სამგზის ოლიმპიური ჩემპიონისგან.

გილოცავთ, ლაშა ტალახაძე კვლავ ოლიმპიური ჩემპიონია!

მადლობა ლაშას ამ გამარჯვებისთვის და საქართველოს გახარებისთვის!

ლაშა ტალახაძემ კიდევ ერთხელ დაამტკიცა, რომ ჩვენი სახელოვანი ძალოსანი დაუმარცხებელია.

წარმატებები ქართველ ოლიმპიელებს და საქართველოს!“- წერს კალაძე სოციალურ ქსელში.

ამ დროისთვის საქართველოს 3 ოქროს, 2 ვერცხლის და 1 ბრინჯაოს მედალი აქვს.

ძიუდოისტი ლაშა ბექაური ორგზის ოლიმპიური ჩემპიონი გახდა. მან ფინალში იაპონელი სანშირო მურაო დაამარცხა და საქართველოს ნაკრებს პირველი ოქროს მედალი მოუტანა. მეორე ოქროს მედალი საქართველოს ნაკრებს თავისუფალი სტილით მოჭიდავე გენო პეტრიაშვილმა მოუპოვა. საქართველოს ნაკრებს პარიზის ოლიმპიადაზე ვერცხლის მედალი მსოფლიოს სამგზის ჩემპიონმა, ტატო გრიგალაშვილმა მოუტანა. ამასთან, ვერცხლის მედალს დაეუფლა ქართველი ძიუდოისტი (100კგ) ილია სულამანიძე. მოკრივე ლაშა გურულმა კი ოლიმპიადაზე ბრინჯაოს მედალი მოიპოვა.