სალომე ზურაბიშვილი - გილოცავთ და მადლობას ვუხდი ყველა სპორტსმენს, ვინც პარიზში ქართულ ფერებს იცავს

გილოცავთ და მადლობას ვუხდი ყველა სპორტსმენს, ვინც პარიზში ქართულ ფერებს იცავს, - ასე ეხმიანება საქართველოს პრეზიდენტი სალომე ზურაბიშვილი პარიზის ოლიმპიადაზე ლაშა ტალახაძის მიერ ოქროს მედლის დაუფლებას.

„საქართველოს სამი ოქროს მედალი და მეტის მოლოდინში! გილოცავთ და მადლობას ვუხდი ყველა სპორტსმენს, ვინც პარიზში ქართულ ფერებს იცავს. საქართველოს ვულოცავ! მადლობა ჩვენ მედალოსნებს!“- წერს ზურაბიშვილი X-ზე.

ამ დროისთვის საქართველოს 3 ოქროს, 2 ვერცხლის და 1 ბრინჯაოს მედალი აქვს.

ძიუდოისტი ლაშა ბექაური ორგზის ოლიმპიური ჩემპიონი გახდა. მან ფინალში იაპონელი სანშირო მურაო დაამარცხა და საქართველოს ნაკრებს პირველი ოქროს მედალი მოუტანა. მეორე ოქროს მედალი საქართველოს ნაკრებს თავისუფალი სტილით მოჭიდავე გენო პეტრიაშვილმა მოუპოვა. საქართველოს ნაკრებს პარიზის ოლიმპიადაზე ვერცხლის მედალი მსოფლიოს სამგზის ჩემპიონმა, ტატო გრიგალაშვილმა მოუტანა. ამასთან, ვერცხლის მედალს დაეუფლა ქართველი ძიუდოისტი (100კგ) ილია სულამანიძე. მოკრივე ლაშა გურულმა კი ოლიმპიადაზე ბრინჯაოს მედალი მოიპოვა.

რამაზ საყვარელიძე - თუ დღევანდელი ოპოზიცია არჩევნებში მონაწილეობას არ მიიღებს, გადაინაცვლებს სამზარეულოში, ქუჩაშიც კი მას მხარდამჭერი აღარ ეყოლება, რისი ტენდენციაც უკვე ჩანს
ქართული პრესის მიმოხილვა 16.06.2025
„ხალიკ ბანკის“ მხარდაჭერით, ფოთის მულტიმოდალური ტერმინალი გაიხსნა