მოხევეობა - ეს არის სიამაყე, „ნაცობა“ - სირცხვილი, მაგრამ ვირის წიხლი საწყენი არ უნდა იყოს, - ამის შესახებ პარტია „ხალხის ძალის" გენერალურმა მდივანმა, დიმიტრი ხუნდაძემ განაცხადა.

მან განმარტა, რომ მოხევეები ყოველთვის ვაჟკაცურად იცავდნენ დარიალის კარიბჭეს, „ნაციონალური მოძრაობის“ წარმომადგენლები კი ჩუმად იპარებოდნენ, როდესაც ქვეყანას დაცვა სჭირდებოდა.

დიმიტრი ხუნდაძის თქმით, მოხევეების სამშობლოსადმი სიყვარულმა ნატა ფერაძე და გია ჭანტურია მოთმინებიდან გამოიყვანა.

დეპუტატის თქმით, „ნაციონალური მოძრაობის“ წევრები არ იცნობენ მოხევეებს, თუმცა მოხევეები კარგად იცნობენ „ნაცებს“.

„ამიტომ, 26 ოქტომბერს, კიდევ ერთხელ, გასცემენ პასუხს”, - დასძინა მან.

ინფორმაციას პარტია „ხალხის ძალის" პრესსამსახური ავრცელებს.