წყალტუბო არის ნათელი მაგალითი “ქართული ოცნების” მიერ მიტოვებული საქართველოსი - ამის შესახებ, „ერთიანობის“ ერთ-ერთმა ლიდერმა, „სტრატეგია აღმაშენებლის“ თავმჯდომარე, გიორგი ვაშაძემ განაცხადა.

როგორც მან განმარტა, ხალხს აღარ უნდა დაპირისპირება, ლანძღვა და გინება.

“ჩემს უსაყვარლეს იმერეთში ვარ და ძალიან კარგი, თბილი დახვედრაა. ყველას გვინდა ერთიანობა, ყველას გვინდა გამარჯვება, ყველას გვინდა საქართველო ევროკავშირში. ძალიან მნიშვნელოვანია, რომ ხალხი გვეუბნება აღარ გვინდა დაპირისპირება, აღარ გვინდა ლანძღვა და გინება. გვინდა მშვიდობა, გვინდა საქმე, გვინდა ინვესტიციების მოზიდვა.

წყალტუბო არის ნათელი მაგალითი “ქართული ოცნების” მიერ მიტოვებული საქართველოსი. რამხელა დაპირებები იყო და არაფერი არ არის გაკეთებული და ჩვენ ამ ხალხს ვპირდებით, რომ სულ რაღაც 2 წელიწადში წყალტუბო იქნება წალკოტი.

აქ იქნება ბევრი სამუშაო ადგილი, წინსვლა, წარმატება. ბევრი ახალგაზრდა, ბევრი ტურისტი და ყველაფერს გავაკეთებთ”,- აღნიშნა გიორგი ვაშაძემ.

ინფორმაციას პარტიის პრესსამსახური ავრცელებს.