ისრაელის თავდაცვის ძალებში აცხადებენ, რომ ლიბანიდან ჩრდილოეთ ისრაელის მიმართულებით, 30-მდე რაკეტა გაუშვეს.

თავდაცვის ძალების ცნობით, რამდენიმე მათგანი ღია ტერიტორიაზე დაეშვა და არავინ დაშავებულა, ან დაღუპულა.

ამასთან, ლიბანური სატელიტური სატელევიზიო არხის, Al Mayadeen-ის ინფორმაციით, რაკეტების სროლაზე პასუხისმგებლობა „ჰეზბოლამ“ აიღო, თუმცა ამტკიცებს, რომ მისი სამიზნე სამხედრო ბაზა იყო.