შპს „საქართველოს გაზის ტრანსპორტირების კომპანია“, რუსთავი-თელავი-ჟინვალის მაგისტრალური გაზსადენის 130.8 კილომეტრზე დაგეგმილ სარემონტო სამუშაოებს განახორციელებს. ამის შესახებ ინფორმაციას შპს „საქართველოს გაზის ტრანსპორტირების კომპანია“ ავრცელებს.

მათი ცნობით, 07:00-დან 17:00 საათამდე ბუნებრივი გაზის მიწოდება წინანდლის გაზგამანაწილებელი სადგურის მომხმარებლებს შეეზღუდებათ.

„მ/წ 14 აგვისტოს 07:00-დან 17:00 საათამდე ბუნებრივი გაზის მიწოდება წინანდლის გაზგამანაწილებელი სადგურის მომხმარებლებს შეეზღუდებათ.

აღნიშნულ პერიოდში ბუნებრივი გაზით მომარაგება თელავის მუნიციპალიტეტის შემდეგ სოფლებს: აკურა, ვანთა, ბუშეტი, ქვედა ხოდაშენი, წინანდალი, კონდოლი, ნასამხრალი, შალაური შეეზღუდებათ.

ბუნებრივი გაზის მიწოდება გამორთულ გაზგამანაწილებელ სადგურში სამუშაოების დასრულებისთანავე აღდგება, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს“ - ნათქვამია გავრცელებულ ინფორმაციაში.

ასევე, დაგეგმილი სამუშაოების გამო 14 აგვისტოს 06:00-დან 16:00 საათამდე ბუნებრივი გაზის მიწოდება გომის, ხაშური 2-ის, ცხრამუხის, ცხისისა და ოსიაურის სამხედრო ბაზის გაზგამანაწილებელი სადგურების მომხმარებლებს შეეზღუდებათ.

„შპს „საქართველოს გაზის ტრანსპორტირების კომპანია", ვაყა-ხაშური-ბაკურიანის მაგისტრალური გაზსადენის 0-16 კილომეტრებს შორის დაგეგმილ სარემონტო სამუშაოებს განახორციელებს.

მ/წ 14 აგვისტოს 06:00-დან 16:00 საათამდე ბუნებრივი გაზის მიწოდება გომის, ხაშური 2-ის, ცხრამუხის, ცხისისა და ოსიაურის სამხედრო ბაზის გაზგამანაწილებელი სადგურების მომხმარებლებს შეეზღუდებათ.

კერძოდ, აღნიშნულ პერიოდში ბუნებრივი გაზის მიწოდება ქალაქ ხაშურს და ხაშურის მუნიციპალიტეტის შემდეგ სოფლებს: ცხრამუხა, ბეკამი, სურამი, ქვიშხეთი, ცოცხნარა, ოსიაური, აგარები, გომი, მიწობი, ჭალის უბანი, ხცისი, წრომი, ვაყა, ალი და დიდი ფლევი შეეზღუდებათ“, - ნათქვამია გავრცელებულ ინფორმაციაში. ბუნებრივი გაზის მიწოდება გამორთულ გაზგამანაწილებელ სადგურში სამუშაოების დასრულებისთანავე აღდგება, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს.