პატივი მივაგეთ შინდისის გმირებს, დღეს არის დიდგორობა, გილოცავთ დღევანდელ დღესასწაულს. დღეს, რომელიც არის გმირების დღე, გამარჯვების დღე, - ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა, გიორგი ვაშაძემ განაცხადა.

მისივე თქმით, სწორედ ისეთ გმირობასა და პატრიოტიზმზე შენდება სახელმწიფო, როგორებიც შინდისის ბრძოლაში დაღუპული ქართველი მებრძოლები იყვნენ.

„მე დარწმუნებული ვარ, რომ შინდისის გმირების ქმედება იქნება ფუნდამენტი ერთიანი საქართველოს ძლიერების. სულ მალე გვექნება ტერიტორიული მთლიანობა, ვიცხოვრებთ ბედნიერ, კეთილ, ერთიან საქართველოში და ღირსეულად ყოველთვის დიდ პატივს მივაგებთ გმირებს. იმიტომ, რომ სწორედ ასეთი გმირობის, ასეთი პატრიოტიზმის ხარჯზე შენდება, ნამდვილი, პატრიოტული სახელმწიფო", - განაცხადა გიორგი ვაშაძემ, რომლის კომენტარსაც პრესსამსახური ავრცელებს.