გაერთიანებული სამეფოს პრემიერ-მინისტრი, კირ სტარმერი ირანის ახალ პრეზიდენტს, მასუდ ფეზეშქიანს ტელეფონით ესაუბრა და ისრაელზე თავდასხმისგან თავის შეკავებისკენ მოუწოდა, - ინფორმაციას BBC-ი დაუნინგ სთრითზე დაყრდნობით ავრცელებს.

„პრემიერ-მინისტრმა მასუდ ფეზეშქიანს უთხრა, რომ არსებობს არასწორი გათვლის სერიოზული რისკი და ახლა მშვიდად და ფრთხილად განხილვის დროა", - აღნიშნულია დაუნინგ სთრითის განცხადებაში.

მანამდე, გაერთიანებული სამეფოს, საფრანგეთის, გერმანიისა და იტალიის ლიდერებმა ირანს მოუწოდეს, ისრაელზე სამხედრო თავდასხმის მუქარა შეწყვიტოს.