პოლიტიკური გაერთიანება „კოალიცია ცვლილებისთვის - გვარამია, მელია, გირჩი, დროას“ ხარაგაულის ოფისი გაიხსნა.

„კოალიცია ცვლილებისთვის“ ინფორმაციით, ოფისის გახსნაზე ნიკა მელიამ ხარაგაულის მოსახლეობას გააცნო კოალიციის ხედვები, თუ როგორ უნდა გადაიჭრას ადგილობრივი მოსახლეობის პრობლემები.

ამასთან, მელიამ ხაზი გაუსვა ისეთ საკითხებს, როგორიცაა საქართველოს ევროკავშირში გაწევრიანება და ოქტომბრის არჩევნების მნიშვნელობა.

„ყოველდღე დავდივართ სოფელ-სოფელ და ცვლილებების განწყობას ვგრძნობთ. ჩვენ ვართ ადამიანები, რომლებსაც ცვლილება გვინდა და ორჯერ მეტნი ვართ, ვიდრე ისინი, ვისაც არაფრის შეცვლა არ უნდათ ქვეყანაში. ეს არჩევნები უნდა იქცეს წარმატების ფორმულად. საქართველო წარმატებული იქნება ევროკავშირში. ჩვენ მიგვაჩნია, რომ კოალიცია 4-ნომერი მნიშვნელოვან სიტყვას იტყვის ცვლილებების გზაზე. სექტემბრიდან დინამიურ კამპანიას დავიწყებთ. ყველამ უნდა იცოდეს 4-ნომერი. მიმაჩნია, რომ ოპოზიციურ პლატფორმებს შორის, თავისი შინაარსით ყველაზე პროევროპული კოალიციაა ვართ ჩვენ. თითოეულ ხმას ექნება მნიშვნელობა”, - განაცხადა მელიამ.

დღეს, 13 აგვისტოს, „კოალიცია ცვლილებისთვის - გვარამია, მელია, გირჩი, დროა“ იმერეთის მასშტაბით საარჩევნო ოფისებს ხსნის.