პოლიტიკური გაერთიანება „კოალიცია ცვლილებისთვის - გვარამია, მელია, „გირჩი“, „დროას’’ ბაღდადის ოფისი გაიხსნა.

ამის შესახებ ინფორმაციას „კოალიცია ცვლილებისთვის“ ავრცელებს.

მათივე ცნობით, ზურაბ ჯაფარიძემ ხაზი გაუსვა ისეთ პრიორიტეტულ საკითხებს, როგორებიცაა 26 ოქტომბრის არჩევნების მნიშვნელობა, სადაც თითოეული მოქალაქისა და ემიგრანტის როლი გადამწყვეტია.

მისივე თქმით, იმისათვის, რომ სასამართლო იყოს დამოუკიდებელი, შეძლოს ევროკავშირთან დაახლოება და კორუფციისგან გათავისუფლება, საჭიროა ცვლილებები და ივანიშვილის დამარცხება.

„მყავს სამი შვილი და არ მინდა მათ ქვეყანა დატოვონ. ორი რამ მინდა: პირველი, ქვეყანა სადაც საფრთხე რუსეთიდან არ იარსებებს, რაც უსაფრთხო ქვეყანას ნიშნავს და მეორე, საქართველო პასპორტი, რომელიც ევროკავშირის მოქალაქეობის დამადასტურებელი იქნება. ეს კი მოგცემს საშუალებას, წახვიდე იქ, სადაც გინდა.

ახლა გვაქვს შანსი, რომელიც აქამდე არ გვქონია, კერძოდ 5-6 წელწადში ეს ქვეყანა გახდეს ევროკავშირის წევრი. ევროკავშირის ქვეყნები იძახიან, რომ კარი ღიაა და შემოდით, უბრალოდ, ითხოვენ ელემენტარული რაღაცეების გაკეთებას: სასაამრთლო იყოს დამოუკიდებელი და პოლიტიკური გავლენებისგან თავისუფალი, სამართლიანი და თავსიუფალი არჩევნები და ქვეყანა კორუფციის გარეშე. მჯერა, რომ საქართველო გახდება ევროკავშირის წევრი, ამას წინ უდგას ერთი რამ - ოლიგარქი ივანიშვილი, რომელიც ატარებს რუსულ ინტრერესებს. ამ ბარიერს გადავლახავთ და შესაბამისად, ჩვენ შვილებს წარმატებულ ქვეყანას ვუტოვებთ. ამ მიზნისთვის ვარ ამ კოალიციაში.

ერთადერთი, რაც გვჭირდება უნდა მივიდეთ არჩევნებზე. უცხოეთში თუ გყავთ ოჯახის წევრები, უთხარით, დადგნენ საკონსულო აღრიცხავაზე და წავდინენ არჩევნებზე”, - განაცხადა ზურაბ გირჩი ჯაფარიძემ.

დღეს, 13 აგვისტოს, „კოალიცია ცვლილებისთვის - გვარამია, მელია, გირჩი, დროა“ იმერეთის მასშტაბით საარჩევნო ოფისებს ხსნის.