გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ ინფორმაციას „ენერგო-პრო ჯორჯია“ ავრცელებს.

როგორც კომპანიის მიერ გავრცელებულ განცხადებაშია ნათქვამი, შეზღუდვა დუშეთის, მცხეთისა და ყაზბეგის რაიონის სოფლებს შეეხება.

„ქსელის გეგმური სარეაბილიტაციო სამუშაოების გამო, 14 აგვისტოს 07:00 საათიდან 08:00 საათამდე ელექტროენერგიის მიწოდება შეეზღუდება დუშეთის რაიონის სოფლებში ფასანაური, ჭართალი, მუგუდა, კიტოხი და მიმდებარე სოფლებში; 11:00 საათიდან 13:00 საათამდე აბონენტებს მცხეთის რაიონის სოფელ წეროვანში; 12:00 საათიდან 12:15 საათამდე აბონენტებს მცხეთის რაიონის სოფლებში წილკანი, სელექცია, მუხრანი, ნატახტარი და მიმდებარე სოფლებში; 12:00 საათიდან 15:00 საათამდე აბონენტებს ყაზბეგის რაიონის სოფლებში ყანობი, ოქროყანა, კობი, ალმასიანი და მიმდებარე სოფლებში; 14:00 საათიდან 18:00 საათამდე აბონენტებს მცხეთის რაიონის სოფლებში ახალუბანი, მისაქციელი, ნატახტარი და მიმდებარე სოფლებში. სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში“, - ნათქვამია ინფორმაციაში.