ჩეხეთის საგარეო საქმეთა მინისტრის განცხადებით, უკრაინას უფლება აქვს თავი აგრესორის ტერიტორიაზეც დაიცვას.

„2014 წლიდან უკრაინის წინააღმდეგ რუსულმა აგრესიამ მილიონობით უდანაშაულო ადამიანის სიცოცხლე გაანადგურა. თუ ჩვენ სამართლიანი სამყარო გვსურს და არა მისი ილუზია, მაშინ გამოსავალი არის სიტუაცია, როდესაც ყველა არმია საერთაშორისოდ აღიარებულ საზღვრებს დაუბრუნდება“, - განაცხადა ჩეხეთის საგარეო საქმეთა მინისტრმა, იან ლიპავსკიმ.

ცნობისთვის, ფინეთის პრეზიდენტმა, ალექსანდრ სტუბმაც განაცხადა, რომ უკრაინას კურსკის ოლქში ოპერაციის სრული უფლება აქვს.