უკრაინას კურსკის რეგიონში ნატო-ს ქვეყნების იარაღის გამოყენების უფლება აქვს. ამის შესახებ ლატვიის საგარეო საქმეთა მინისტრმა ბაიბა ბრაჟემ BBC-სთან საუბარში განაცხადა.

ბრაჟეს თქმით, უკრაინას აქვს რუსეთში შესვლის უფლება, ისევე როგორც ნატო-ს ქვეყნების მიერ მიწოდებული იარაღის გამოყენების უფლება.

ლატვიის საგარეო საქმეთა მინისტრმა განაცხადა, რომ “ეს უკრაინული იარაღია” და აღნიშნა, რომ “ნატო-ს ქვეყნებში სამართლის ექსპერტებს შორის კონსლუტაციებმა” დაადგინა, რომ “თავდაცვის უფლება ასევე მოიცავს კონტრშეტევის უფლებასაც”.

ბრაჟემ აღნიშნა, რომ რუსი ოფიციალური პირების განცხადებები, თითქოს უკრაინის ძალები მშვიდობიან მოქალაქეებს კლავენ პროპაგანდას წაროადგენს.

“პირველივე მომენტიდან უკრაინული კომუნიკაციიდან ძალიან ნათელი იყო, რომ მათი თავდასხმა სამხედრო ობიექტების წინააღმდეგაა”, - განაცხადა ბრაჟემ.

ცნობისთვის, რუსეთის პრეზიდენტმა ვლადიმერ პუტინმა აქამდე განაცხადა, რომ ნატო-ს ქვეყნების მიერ გადაცემული იარაღის რუსეთის ტერიტორიაზე გამოყენება “წითელ ხაზს” წარმოადგენს.