აშშ-ის „რესპუბლიკური პარტიის“ საპრეზიდენტო კანდიდატი, დონალდ ტრამპი ისრაელის პრემიერ-მინისტრ ბენიამინ ნეთანიაჰუს ტელეფონით ესაუბრა, - ინფორმაციას Axios-ი ინფორმირებულწყაროებზე დაყრდნობით ავრცელებს.

გამოცემის წყაროების განცხადებით, დონალდ ტრამპმა და ბენიამინ ნეთანიაჰუმ სატელეფონო საუბრის დროს ღაზას სექტორში ცეცხლის შეწყვეტისა და მძევლების გათავისუფლების შესახებ შეთანხმება განიხილეს და ტრამპის მიზანი იყო, ნეთანიაჰუ წაეხალისებინა, რომ „ჰამასთან“ ნაშუამავლებ შეთანხებას დასთანხმებოდა.

ამასთან, უცნობია, კონკრეტულად რა უთხრა აშშ-ის ყოფილმა პრეზიდენტმა ისრაელის პრემიერს.

შეგახსენებთ, ღაზას სექტორში ცეცხლის შეწყვეტისა და მძევლების გათავისუფლების შესახებ შეთანხმების შესახებ მოლაპარაკებები დღეს დოჰაში განახლდება. ისრაელმა განაცხადა, რომ მოლაპარაკებებზე წარმომადგენლებს გაგზავნის, „ჰამასმა“ კი მოლაპარაკებებში მონაწილეობაზე უარი განაცხადა.