დანაშაულის ჩადენისთვის ემზადებით და შენობის გარეთ აღმართული გალავანი სწორედ მოახლოებულ არჩევნებს უკავშირდება, - ასე მიმართა ცესკოში „ერთიანი ნაციონალური მოძრაობის“ წარმომადგენელმა, დავით კირთაძემ ცესკოს თავმჯდომარეს, გიორგი კალანდარიშვილს.

მისი თქმით, ცენტრალური საარჩევნო კომისიის შენობის გარშემო რკინის ღობის განთავსება მოახლოებულ არჩევნებს უკავშირდება.

„საშინელი მდგომარეობა შექმენით გარედან. ნამდვილად აჩენს იმის ეჭვს, რომ რაღაცის გეშინიათ, რაღაცისთვის ემზადებით და ეს რაღაც თქვენი დანაშაულია, რომლის ჩადენასაც აპირებთ და რომელიც გამოიწვევს ხალხში წყენას, ამისთვის ემზადებით და ამისთვის გჭირდებათ ეს გალავანიც. შემდეგ ვინმეს წყენა რომ არ გამოიწვიოს და ვინმემ რამე არ მიგითითოთ თუ როგორ ცუდად იქცევით”, - განაცხადა დავით კირთაძემ, რომლის კომენტარსაც „ერთიანი ნაციონალური მოძრაობა“ ავრცელებს.