რუსებმა ქალაქ სუმს დაარტყეს, არიან დაშავებულები, - ამის შესახებ ინფორმაციას უკრაინის შინაგან საქმეთა სამინისტრო ავრცელებს.

უკრაინის შინაგან საქმეთა სამინისტროს ცნობით, სარაკეტო დარტყმის შედეგად, სუმის ცენტრში მდებარე მრავალსართულიან საცხოვრებელ კორპუსებთან გაჩერებულ ათ ავტომობილს ცეცხლი გაუჩნდა.

„მაშველებმა ხანძრის ლიკვიდაცია და ცეცხლის სხვა ავტომობილზე გავრცელების თავიდან აცილება შეძლეს“, - განაცხადეს უკრაინის საგანგებო სიტუაციების სახელმწიფო სამსახურში.

სარაკეტო დარტყმის შედეგად, სულ მცირე, ორი ადამიანი დაშავდა.