აშშ-ის სახელმწიფო მდივნის, ენტონი ბლინკენის განცხადებით, ღაზას სექტორში ცეცხლის შეწყვეტის შესახებ მიმდინარე მოლაპარაკებები, შესაძლოა, უკანასკნელი შანსი იყოს ომის დასრულების შესახებ შეთანხმების მისაღწევად.

”ეს არის გადამწყვეტი მომენტი - ალბათ, საუკეთესო, შესაძლოა უკანასკნელი შესაძლებლობა მძევლების შინ დასაბრუნებლად, ცეცხლის შეწყვეტის მისაღწევად და იმისთვის, რომ ყველა დაადგეს მშვიდობისა და უსაფრთხოებისკენ საუკეთესო გზას“, - განაცხადა ბლინკენმა ისრაელის პრეზიდენტ ისააკ ჰერცოგთან შეხვედრაზე.

სახელმწიფო მდივნის განმარტებით, ის ასევე მუშაობს იმის უზრუნველსაყოფად, რომ არ მოხდეს რეგიონული ესკალაცია, ირანის მიერ ისრაელზე შესაძლო თავდასხმის ფონზე.

შეგახსენებთ, ენტონი ბლინკენი თელ-ავივში გუშინ ჩავიდა, ეს მისი მეცხრე ვიზიტია ისრაელში 2023 წლის 7 ოქტომბრის შემდეგ.